مطبخ كبير وحاجات كتير

طريقة عمل فتة الشاورما 

المكونات : عيش محمص –  تومية - رز مبهر – شاورما لحمه او فراخ

المقادير :

( الشاورما ) : 1 كيلو لحمه او فراخ – ربع كيلو طماطم – ربع كيلو فلفل رومى – بصله واحده – خل – ليمون -  ملح و فلفل اسود و زنجبيل و قرفة و فلفل ابيض و روزمارى و باربيكا .

( الرز المبهر ) : كيلو رز مصرى او بسمتى – ملح و فلفل ابيض و كركم .

( العيش المحمص ) : عيش بلدى أو شامى و زيت و فلفل اسود

( التومية ) : نص كوب توم مفروم – زبديه – خل – ليمون – لبن حليب

الطريقة :

( الشاورما ) :

1.    بعد غسل اللحمة كويس تقطع شرائط رفيعه زى المكرونة الاسباجيتى .

2.    تتبل اللحمه بالملح و الفلفل و الزنجبيل و القرفة و الفلفل الابيض و الروزمارى و الباربيكا و كوباية خل و 5 ليمون و تترك فى التلاجه لمده 4 ساعات .

3.    نفرم البصله كويس اوى و نحطها ع الزيت السخن فى الحله اللى هنطبخ فيها الشاورما.

4.    بعد تحمير البصل هنحط اللحمه عليه من غير سائل التتبيل.

5.    هنقلب اللحمه كويس كل 5 دقايق و نسيبها ع النار لغايه ما تستوى و بتاخد وقت من 20 ل 30 دقيقة على نار متوسطه .

6.    بعد السوا بنضيف الطماطم و الفلفل متقطعين رفيع اوى و نقللبهم على الشاورما لمده 5 دقايق بس .

( التومية ) :

1.    التوم هيكون مفروم اصلا و بعدين هنحطه فى الخلاط مع الزبادى و فنجان عصير ليمون و ملح و فلفل ابيض او اسود و كوبايه لبن حليب .

2.    اثناء تشغيل الخلاط نضيف الزيت و يستحين زيت زيتون بس يكون رفيع اوى لغايه ما القوام يتماسك زى البشميل او اخف شوية .

( الرز المبهر ) :

هنغسل الرز كويس لو مصرى ولو بسمتى هننقعه كويس نص ساعه قبل الطبخ

1.    هنسخن الزيت كويس و بعدين نحط الرز عليه ونفس كميه الرز نحط ميه سخنه يعنى لو 4 كوبايات رز هنحط 4 كوبايات ميه سخنه .

2.    نضيف الملح و الفلفل الابيض و الكركم على المية و نسيبه يشرب المية .

3.    بعد ما الارز يشرب المية فى خلال ربع ساعه تقريبا نهدى النار على اقل درجه و نسيبه يستوى لمده ربع ساعه كمان او اكتر شوية على حسب الرز ما يستوى .

( العيش المحمص )

العيش يكون بلدى او شامى و نخلى كل طبقى لوحدها و نرشه بالزيت او الفلفل الاسود و يدخل الفرن فى صينية يتحمص

هنطلع العيش بعد 10 دقايق تقريبا و بعدين نكسره اجزاء صغيرة .

التقديم

هنحط العيش المحمص المتكسر اجزاء صغيرة فى قاع قارب التقديم

نسقى العيش بالتومية و نغطيه كله بالتومية

هنحط الرز المبهر فوق العيش و فوقهم الشاورما

و بالهنا و العافيه J